બોલિવૂડ ડેસ્ક: સૈફ અલી ખાન અને તબુ સ્ટારર ફિલ્મ ‘જવાની જાનેમન’ની નવી રિલીઝ ડેટ ફાઇનલ થઇ છે. અગાઉ ફિલ્મ આ વર્ષે રિલીઝ થવાની હતી પણ હવે ફિલ્મ આવતા વર્ષે 7 ફેબ્રુઆરીના રોજ રિલીઝ થશે. આ ફિલ્મને નિતિન કક્ક્ડે ડિરેક્ટ કરી છે. 1999માં આવેલ ફિલ્મ ‘હમ સાથ સાથ હૈં’ ફિલ્મ બાદ તબુ અને સૈફ ફરી સાથે સ્ક્રીન આ ફિલ્મથી શેર કરશે. આ ફિલ્મથી એક્ટ્રેસ પૂજા બેદીની દીકરી આલિયા ફર્નિચરવાલા ડેબ્યુ કરી રહી છે.
આ ફિલ્મમાં સૈફ અલી ખાન પિતાના રોલમાં છે અને આલિયા ફર્નિચરવાલા તેની દીકરીના રોલમાં છે. આ ફિલ્મનું શૂટિંગ લંડનમાં થયું છે. ફિલ્મની સ્ટારકાસ્ટમાં ચંકી પાંડે, રમીત સાંધુ પણ સામેલ છે. આ ફિલ્મને જેકી ભગનાનીનું પ્રોડક્શન હાઉસ ‘પૂજા એન્ટરટેઈન્મેન્ટ’, સૈફ અલી ખાનનું ‘બ્લેક નાઈટ ફિલ્મ્સ’ અને જય શિવાકરમાણીનું ‘નોર્ધન લાઈટ્સ ફિલ્મ્સ’ કો-પ્રોડ્યૂસ કરી રહ્યું છે.
(Visited 25 times, 1 visits today)