અમદાવાદ: અમદાવાદ મ્યુનિસિપલ કોર્પોરેશન દ્વારા સાબરમતી રિવરફ્રન્ટ ઇવેન્ટ સેન્ટર ખાતે જાન્યુઆરી માસમાં યોજાનારા ફ્લાવર શોની ફીમાં આ વર્ષે વધારો કરી દેવાયો છે. ફ્લાવર શો જોવા માટે આવતા મુલાકાતીઓએ 10 રૂપિયા નહીં પણ 20 રૂપિયા ફી ચૂકવવી પડશે, જ્યારે શનિ-રવિમાં 50 રૂપિયા ફી નક્કી કરવામાં આવી છે.
દરવર્ષે મ્યુનિસિપલ કોર્પોરેશન દ્વારા ફ્લાવર શોનું આયોજન કરવામાં આવે છે. આ ફ્લાવર શો જોવા લાખોની સંખ્યામાં લોકો ઉમટી પડે છે. ગત વર્ષે પાંચ લાખની વધુ લોકોએ ફ્લાવર શોની મુલાકાત લીધી હતી. ખાસ કરીને શનિ-રવિમાં મોટી સંખ્યામાં લોકોનો ધસારો જોવા મળે છે. જેથી આ વર્ષે શનિ રવિમાં 50 રૂપિયા ફી નક્કી કરાઈ છે. જ્યારે વિકલાંગો, 12 વર્ષના બાળકો અને સિનિયર સિટિઝન માટે ફ્રી એન્ટ્રી રાખવામાં આવી છે.
(Visited 55 times, 1 visits today)